Skip to content
Женскиот ракометен шампион на Македонија, тимот на Вардар СЦБТ вечерва на гостински терен убедливо ја совлада хрватската екипа Подравка со 35:17.
Со оваа победа „црвено-црните“ на две кола пред крајот на натпреварите во Д-групата, веќе обезбедија пласман во следната (главна) групна фаза каде ќе играат осумте најдобри женски европски клубови.
Нашите ракометарки во текот на целиот натпревар ја имаа контролата на играта и на резултатот и докажа дека не случајно и на дуелот во Скопје со голема разлика ја порази Подравка.
Најефикасни во составот на македонскиот претставник беа Андреа Лекиќ со осум и Сираба Дембеле и Татјана Хмирова со по 5 погодоци.
На голот Ина Суслина запиша 13, а Амандин Лејно 8 одбрани.
Вчера на првиот дуел од овој круг ларвик ја совлада Бера Бера со 29:21.
Табела: Вардар 7 бодови, Ларвик 7, Подравка 2, Бера Бера 0.
