Судија ја засрами цела фудбалска Србија: Доби црвен картон за непочитување на правилата

Дванаесетото коло на првата општинска лига во Лазаревац, ќе биде запаметоно по еден спортски инцидент направен од судијата на натпреварот.

Главната улога ја има Марко Јаковљевиќ ( главниот судија ), Ѓорѓе Јанковиќ ( фудбалер ) и Милош Павловиќ (помошник на судијата).

Играчот од домаќините и помошникот судија започнале вербална конфронтација, која на крајот морал да ја реши главниот делител на правдата. Прво покажал црвен картон за играчот Јанковиќ, а веднаш потоа уште еден црвен картон за неговиот помошник .

Како што изјавил Јаковљевиќ, во неофицијален разговор со медиумите, тој сакал да спречи поголем инцидент, затоа што проценил дека физичкиот конфликт ќе продолжел со поголем интензитет, ако не ги „изладил“ и двајцата.

Како според прописите се дозволува ваква одлика на главниот судија, останува да се види, а се чека и одлуката на судската комисија, бидејќи досега се нема случено судијата да биде исклучен поради непослушност.