Обиена продавница во тетовската населба Дреновец

Околу 4.000 евра штета претрпел Е.Љ.(45) од Тетово откако засега непознати сторители провалиле во неговата железарница во тетовската населба Дреновец, информираше портпаролот на СВР Тетово, Марјан Јосифовски.

– Крадците од продавницата што била без фирма одзеле повеќе вредни машини и производи што сопственикот ги проценува на нешто над 4.000 евра по што незабележани од никого избегале во непознат правец, рече Јосифовски.

Полицијата извршила увид, го фотодокументирала случајот и работи на откривање на сторителите.