Сиена во четвртфиналето на Купот на Италија

Екипата на Сиена обезбеди пласман во четвртфиналето на фудбалскиот Куп на Италија.

Во првиот денешен натпревар од осминафиналето одигран попладнево, тимот на Сиена на гостински терен ја совлада Катанија со 4:1.

Сиена во четвртфиналето за противник ќе ја има екипата на Фиорентина.

Покрај овие две екипи пласман меѓу осумте најдобри во Купот на Италија веќе обезбедија: Јувентус, Рома, Удинезе и Лацио.

Остануваат уште празни места. Тие ќе бидат пополнети со одигрувањето на вечерашните дуели меѓу Милан и Специја натпревар во кој на полувремето домаќините водат со 2:0 и средбата Наполи – Аталанта која ќе започне од 21 часот.