Албанка освои прво место на регионален натпревар по македонски

Ученичката Селвиназе Зендели, деветтоодделенка од училиштето „Перпарими“ во Голема Речица, Тетово, освои прво место на регионалниот натпревар по македонски јазик во Тетово и четврто место на републичкиот натпревар во Прилеп.

­- Чувствувам големо задоволство што го претставувам моето училиште по натпревари и за ова им се заблагодарувам на мојата наставничка Виолета Томеска и на другите учители што покажаа разбирање. Тестирањето воопшто не беше тешко, прашањата беа многу лесни – изјави Зендели за ТВ Арт Тетово.

Нејзиниот ментор, Виолета Томеска, е горда на резултатите на ученичката, но и на подршката и работата во кои биле вклучени сите од колективот.

Извор: Репортер.мк