(ВИДЕО) Наумов: За земјоделците 160 милиони евра субвенции, навреме и целосно исплатени

-Субвенциите за земјоделство ги зголемуваме на 160 милиони евра. Ќе бидат навремено и во целост исплаќани, изјави на денешната прес конференција Претседателот на Комисијата за финансии на СДСМ, Кире Наумов

Во приоритетите е и земјоделството. Таму субвенциите не секогаш завршуваат кај вистинските земјоделци. А, речиси кај сите култури и гранки има намалување на посеаните површини и пад на вкупното производство. Увозот на храна е повеќе од двојно поголем од извозот.

Субвенциите се доделуваат со исплата во одреден период од годината, тогаш кога на земјоделците им се најпотребни: на сточарите во јули, кога е најевтина добиточната храна; на полјоделците во септември за да ја отпочнат сеидбата на житните култури; на лозарите и овоштарите во март, пред почетокот на новата реколта; на градинарите во мај; на тутунопроизводителите по завршување на откупот на тутунот.

Субвенциите се мерка што треба да има ефект во развој и професионализација на земјоделството. Затоа, покрај основната субвенција, субвенционираме повеќе за 20% за секој следен хектар или 30% за секое следно грло добиток.

Ќе спроведеме ревизија на доделеното државно земјоделско земјиште и ќе обезбедиме негова праведна распределба на вистинските земјоделците.

Ова се само дел од решенијата кои на денешната прес конференција ги промовираше Наумов.