(ВИДЕО) Заев со честитка за Денот на рударите: Макотрпната работа на рударите е наш мотив да работиме уште понапорно и уште подобро за сите граѓани

„Денеска на Денот на рударите 28 август испраќам честитка но и благодароност до седумстотини рудари кои работат овде во рудникот САСА во Македонска Каменица, но и до сите кои се бават со оваа важна и тешка професија“, рече претседателот на СДСМ и мандатар на новата влада, Зоран Заев во Македонска Каменица.

„Почитувани рудари, вашата макотрпна и благородна работа за сите нас е мотив да работиме уште повеќе напорно и посветено во ваш интерес, во интерес на сите граѓани. СДСМ во изминатите три години покажа што значи вистинска грижа за рударите и рударството како значајна индустриска гранка во нашата економија“, рече Заев и додаде дека во време на владеење на СДСМ е намалена старосната граница за пензионирање и исправена долгогодишна неправда.

„Денес,со законските измени, рударите во пенизја заминуваат на околу 50 годишна возраст, наместо на 58 години возраст како претходно. Тоа е фер пристап кој оддава достојно признание, но и дава шанси за младите во оваа важна професија.

Како одговорна партија предводник на новата Влада подготвени сме и мотивирани во следните четири години, да работиме уште повеќе за да биде уште подобро и за рударите и за сите граѓани на нашата татковина“, истакна Заев.

https://www.youtube.com/watch?v=-hd62XLUIp0&feature=emb_title

]]>