Казни за 130 возачи за непропуштање пешаци на пешачки премин

Санкционирани се 130 возачи, од кои 75 на територија на Скопје, во текот на вчерашниот ден во рамки на спроведената засилена акциска контрола за санкционирање возачите кои не ги пропуштаат пешаците на пешачки премин односно не ги почитуваат обврските како возачи.

При акциската контрола санкционирани се и 172 друг вид на сообраќајни прекршоци. Само на територија на Скопје, информираа денеска од МВР, се изречени и 32 санкции за пешаци кои не поминувале на пешачки премин.

Министерството за внатрешни работи, најавуваат, и денеска и во наредните денови ќе продолжи со ваквите акциски контроли.

– Апелираме до возачите секогаш да ги пропуштаат пешаците односно да ги почитуваат сообраќајните правила и прописи. Исто така, апелираме и до пешаците да ги почитуваат сообраќајните правила и прописи и да го минуваат коловозот на обележан пешачки премин затоа што непочитувањето на сообраќајните правила ќе биде санкционирано. Сите заеднички, со почитување на правилата, мора да придонесеме за побезбедни сообраќајници, се наведува во соопштението.

]]>