Ѓоковиќ: Ќе се откажам од трофејот, но нема да бидам вакциниран

Новак е подготвен да ги пропушти големите турнири доколку е потребна задолжителна вакцинација за учество на нив.

Во интервју за „Би-Би-Си“ српскиот тенисер изјави дека тоа е цената што е подготвен да ја плати.

„Да, тоа е цената што сум подготвен да ја платам. Никогаш не сум бил против вакцините, ги примав како дете, но секогаш ја поддржував слободата да избираш што ставаш во своето тело. Принципите на донесување одлуки за моето тело се поважни од која било титула, се трудам да бидам во склад со моето тело што е можно повеќе“, изјави Ѓоковиќ на таа тема и додаде:

„Мојот ум е отворен кога станува збор за можноста да бидам вакциниран во иднина бидејќи сите заедно се трудиме и ќе го најдеме најдоброто решение кога станува збор за борбата против Ковид. Повторувам, никогаш не сум бил против вакцинацијата и се надевам дека сите ќе го видат крајот на ова многу брзо. Се обидувам да го задржам мојот ум отворен бидејќи сите се обидуваме да го најдеме најдоброто можно решение.

Никој не сака да биде во оваа ситуација во која колективно сме две години. Јас сум дел од глобален спорт кој се игра секоја недела на различни локации. Ги разбирам последиците. Една од последиците е што не одам во Австралија, бев подготвен на тоа. Разбирам дека тоа што не се вакцинирам значи дека не можам да патувам на повеќето турнири“.

]]>