Skip to content
Приказната за Јосип Броз Тито постојано ја интригира јавноста. Последниот дел, како и почетокот од неговиот живот се прилично непознати. Но, постои одредено сведоштво за тоа што Тито кажал на крајот, заедно со детали за неговите здравствени проблеми.
Непознат датум на раѓање
Јосип Броз Тито е роден во загорското село Кумровец кај Загреб во тогашната Австро-унгарска монархија, како седмо дете од 15 деца во семејството на Фрања Броз и Марија, чие моминско презиме беше Јаворшек. Околу датумот на неговото раѓање има полемики бидејќи, додека во официјалната биографија и во венчаницата со Јованка Броз, со која бил во брак од 1952 година до неговата смрт, стои дека Тито е роден на 25 мај, постојат и други информации кои велат дека точниот датум е 7 мај, односно 8 или 12 мај.
Сепак, до ден денес 25 мај се знае како роденденот на југословенскиот маршал, кој се оженил пет пати.
Јосип Броз Тито беше претседател на СФРЈ од 14 јануари 1953 година до неговата смрт на 4 мај 1980 година. Неговиот личен лекар Миломир Станковиќ, кој бил покрај него додека Тито бил на лекување во болница во Љубљана, раскажал низа детали за последните денови од животот на овој политичар.
Го лечеле во тајност
Сите информации за лекувањето на Тито биле строго доверливи.
„Кога жена ми ме посети на Брдо кај Крањ, не смеев да ѝ кажам дека утре ќе му ја ампутираат ногата на Тито. Никогаш не можеше да се знае кој слуша“ – изјавил лекарот.
Според него бил запушен крвен сад на феморалната артерија, клучна за циркулацијата на ногата.
Докторот му рекол на Тито дека е неопходно тој да биде прегледан од лекарски совет, што Броз го одбил велејќи дека му ќе помине.
Со помош на помошникот на маршалот, на крајот успеал да го убеди.
„Дојдоа и двајца одлични експерти од странство. Еден дојде од Америка, д-р Мајкл Дебајки, додека д-р Марат Књазев пристигна од Русија. Нивната проценка била дека Тито е во добра состојба, но дека ногата му е загрозена“, додал докторот.
Бидејќи Тито ги прифаќал само лековите како терапија, американскиот доктор предложил да се обидат со бајпасот што го остави за југословенските лекари. Сепак, тој нагласил дека на Броз мора да му се каже дека ампутацијата е неизбежна доколку тој метод не успее. Најголемиот страв на Тито бил да ја изгуби ногата.
-Ако ми ја исечат ногата, сам ќе си пресудам – рекол Тито, чие здравје било трајно нарушено токму поради овој проблем.
„Кога отиде во болница, му го зедовме пиштолот што тајно го чуваше во чантата. Никој не смееше да му каже дека ногата мора да му биде ампутирана, но терапијата ја продолжиле на неодредено време, а не помогна. И тоа беше така се додедка не му се исуши ногата, а потоа започна и да му го труе телото – изјавил докторот.
Последни зборови
Според зборовите на Станковиќ, последно што Тито рекол е: „И сега што треба сето ова да значи!? Не се знае дали тоа е поврзано со некои одлуки што ги донел или со лекарите кои му ветиле дека терапијата ќе даде резултат. Во средината на февруари 1980 година, Тито повеќе не можел да зборува и бил во вештачка кома до крајот на својот живот. Правата линија се појавила на 4 мај во 15 часот и 5 минути, пишува Блиц.рс.
