Изгоре магацинот на ЈКП „Дервен“ во Велес

Синоќа во 19:22 часот изби пожар во магацинот на JKP „Дервен“ лоциран наспрема Управната зграда кај Градскиот парк во Велес. Со брза интервенција на пожарникарите од ТППЕ Велес со седум пожарникари и три противпожарни возила пожарот бил целосно изгаснат во 22 часот, информираат денеска за МИА од ЦУК Велес.

Како што појаснуваат оттаму, во пожарот е опожарен магацински простор поврзан со гардероба на површина од 200 метри квадратни заедно со целиот инвертар на магацинот, алати и опрема. Во пожарот изгоре и 90 отсто од кровната конструкција на објектот.

-Екипа на СВР Велес денеска ќе врши увид во опожарениот објект на ЈКП „Дервен“ за да ги утврди причините за настанатиот пожар, информираат  од ЦУК Велес. 

МИА