Хрватскиот конзул и неговата сопруга повредени во иранскиот напад врз Тел Авив

Амбасадорката на Хрватска во Тел Авив, Весела Мрѓен Кораќ, за 24 часа потврди дека зградата каде што живеат двајца хрватски
дипломати е тешко оштетена за време на иранските напади врз Тел Авив во текот на ноќта. „Конзулот и неговата сопруга се полесно повредени“, изјави амбасадорката.

Таа додаде дека евакуацијата во моментов не е можна поради затворениот воздушен простор и честите напади.

Што се случи синоќа?

Иранските ракетни напади врз израелска територија дојдоа како одговор на израелските воздушни напади врз цели во Иран, кои, според израелската армија, вклучувале воени и нуклеарни објекти. Израел претходно соопшти дека операцијата имала за цел да го спречи Иран да развива нуклеарно оружје и да ја намали заканата од балистички ракети.

Во ноќта од петок кон сабота, Техеран испали десетици ракети, од кои некои ја погодија областа на Тел Авив и околните градови. Според достапните информации, во нападите загинале три лица, а десетици биле ранети. Тоа беше еден од најсилните директни напади на Иран врз израелска територија досега.