Skip to content
Изјава на пратеникот и претседател на собраниската комисија за земјоделство, шумартсво и водостопанство Панче Орцев:
-Веќе еден месец трае агонијата на сточарите кои маки мачат со болеста „јазлеста кожа“ кај добитокот. Непрофесионалноста и незаинтересираноста на институциите на државата се закануваат сериозно да го уништат добиточниот фонд во Република Македонија како и млекопроизводството. Еве се наоѓаме во селото Висока Маaла каде што секојдневно умираат говеда по шталите и каде што се носат на кланица. Како што е најавено за утре ќе бидат одземени над 120 говеда и ќе бидат однесени во кланица и ќе бидат убиени.
Болеста опасно се шири и во останатите региони во државата. Се затвораат фарми, плачат сточари чија што основна егзистенција им е одгледувањето на добиток. Агенцијата за храна и ветеринарство ситуацијата ја смирува со декларативни заложби и лаги дека вакцините ќе бидат набавени до 20 мај. Лажат, бидејќи 20 мај помина, а вакцините се уште ги нема.
Поради неспособноста и аматеризмот на одговорните лица во Министерството за земјоделство и Агенцијата за храна и ветеринарство, не се планирани, ниту денар во буџетот на Република Македонија за вакви проблематични кризни ситуации. Според последните изјави на директорот на Агенцијата, најоптимистичките најави се дека вакцините ќе пристигнат во почетокот на јуни, и ако пресметаме еден месец за вакцинирање на говедата, три недели за стекнување на имунитет, сточарите треба да чекаат до почетокот на август.
Затоа, бараме Владата веднаш да ги обесштети сточарите и да ги плати говедата така како што треба, со записници кои што ќе одговараат на реалните состојби и договорите меѓу сточарите и одговорните лица, инспекторите од Владата и Агенцијата за храна и ветеринарство. Да бидат обезбедени средства за покривање на сите загуби и да бидат обезбедени средства за загубите од падот на цената на млекото.
Млечната криза веќе е очекувана, бараме сериозност од институциите во справувањето со болест „јазлеста кожа“ додека се уште може да се спаси нешто и да им се помогне пред се на сточарите. поради неможноста млекарниците да направат извоз на млеко и млечни производи во трети земји. Млечната криза веќе е очекувана. Бараме сериозност од институциите во справувањето со болеста „јазлеста кожа“ додека сеуште може да се спаси нешто и да им се помогне на сточарите.
Хаосот во земјоделството и сточарството што го направи оваа Влада тешко се поправа и затоа таа треба да одговара за состојбата во која денес се наоѓаат земјоделците и сточарите.
