Skip to content
Швајцарскиот тенисер Рожер Федерер успеа да ја постигне првата победа на Мастерсот во Лондон. Попладнево во меч од 2.коло од Б групата го совлада Французинот Ришар Гаске со 6:4 и 6:3 во сетови.
Со овој триумф Федерер ги задржа шансите за пласман во полуфиналето, но ќе му биде потребна победа во сабота против Хуан Мартин Дел Потро.
Гаске со денешниот пораз ги загуби шансите за влез во полуфиналето.
Вечерва во вториот меч од групата од 21 часот играат Новак Ѓоковиќ и Дел Потро, двајцата тенисери кои имаат по една победа во групата.
