ХРТ го прекина преносот од доделувањето на медалите во ватерполо

Хрватската радио телевизија не го пренесуваше доделувањето на медалите на Светското првенство во ватерполо, иако хрватската репрезентација освои сребрен медал.

Преносот беше прекинат веднаш по завршувањето на финалето помеѓу Хрватска и Србија, односно пред прогласувањето на Србија за светски првак во ватерполо. Мечот заврши со 11: 4 во корист на Србија.

Со коментар за ваквата одлука на националната телевизија се јави професорот по меѓународни односи и национална сигурност на Факултетот за политички науки во Загреб, и главниот и одговорен уредник на весникот “политичка мисла“, Дејан Јовиќ.

ХРТ-уште еден срам. Подготвени се да ја понижат и хрватската репрезенатација која освои сребро, само да не ги гледаме Србите како победници. ХРТ, секако претпоставува дека никој од нејзините претплатницни не навива за Србија. А уште помалку, дека има и такви кои ги сакаат и двете репрезентации, напиша Јовиќ.

Подоцна во прилог во вестите на ХРТ, беше кажано дека „величествено звучи да се биде сребрен“ на првенството.

– Се разбира, помалку е величествено кога ќе го погледнеме поразот во финалето од 11:4 против Србија, кажа коментаторот Мичо Дуѓановиќ.

Тој натправарот го оквалификува како „чуден“ во кој дел од тајната се крие во фактот дека Хрватите воделе со 2:0, а потоа до крајот постигнале само уште два гола.