Ковачевски: Новиот Општ колективен договор за јавниот сектор, кој денеска беше потпишан во Владата е победа за работниците

Oваа Влада, успеа во она што беше недостижно досега, успеа да сврти нова страница на историјата и за прв пат по 15 години на иста маса со синдикатите и со сите засегнати, заеднички најде одржливо решение за платите во јавниот сектор.

Новиот Општ колективен договор за јавниот сектор, кој денеска беше потпишан во Владата е победа за работниците и е резултат на успешните преговори и нашиот отворен дијалог со синдикатите.

Вработените во јавниот сектор од септември оваа година ќе добијат 10% повисоки плати и исплата на регрес за 2023 година во износ од 10 илјади денари, којшто ќе биде исплатен до крај на годината.

Од март 2025 ќе се спроведува нова Методологија на плата. Во новиот Општ колективен договор предвидовме исплата на минимум К-15 во износ од 30 отсто од просечната нето плата.

Заеднички со синдикатите дојдовме до системско решение за раст на платите и пензиите, кое нема да зависи од волјата на ниедна политичка партија и сега и во иднина, објави премиерот Димитар Ковачевски на фејсбук.