Skip to content
Повеќе од месец дена трае голготата на земјоделците од Пелагонија кои вода чекаат од ЈП Стрежево. Иако ги имаат подмирено сите давачки кон претпријатието и вода во браната има, нивните насади со пипер, бостан, тутун и посевите со сончоглед и пченка се сушат.
Алармирале во неколку наврати, се обратиле и до ЈП Стрежево но вода сеуште нема.
Најкритично е во селата Крклино, Кукуречани, Црнобуки, Драгарино, Драгожани, Трн, Карамани, Могила, Егрирџ и други коишто речиси секојдневно се без вода.
– Нема вода, притисокот е слаб, треба цел ден да наводнувам во едно место само јас, а камоли комшијата со нивата. Со тој притисок ние што работиме со бренери повеќе штета правиме, така производот се уништува. Инаку се ни е платено што треба. Ова е нешто е смислено за да се уништи земјоделцот од Пелагонија- изјави Гоце Талевски од село Егри.
Како поткрепа на сомневањата дека намерно не добиваат вода за наводнување, земјоделците од Егри посочуваат дека во близина на селото има намерен испуст на вода од ЈП Стрежево кој од 5 канал оди во Црна река. Или се работи за дефект но иако алармирале жителите на село Егри, сепак ништо не е превземено од страна на Јавното претпријатие.
За проблемот со наводнувањето реагираше СДСМ
Ние сме постојано на терен со земјоделците и според информациите од теренот проблемот произлегува од ненавремената санација на свлечиште на главниот канал, уште од февруари, за време на поплавите – изјави Васко Ковачевски, претседател на ОО СДСМ Битола.
Ј.П Стрежево и Владата на РМ како негов оснивач треба сега да објаснат на граѓаните, зошто не реагираа половина година досега?!
СДСМ веќе реагираше дека итно мора да се пушти вода во пелагонискиот регион.
Бидејки до сега нема реакции од надлежните,
Бараме земјоделците да бидат обештетени за последиците од штетите што им се нанесени со недостигот на вода и ненавременото наводнување.
Во меѓувреме инсистираме, надлежните институции и органи, ВЕДНАШ да обезбедат непрекинато водоснабдување до сите делови на Пелагонија.
