Ливерпул убедлив во градското дерби со Евертон

Во дербито на 23.коло од Премиер лигата одиграно синоќа фудбалерите на Ливерпул со убедливи 4:0 го совладаа градскиот ривал Евертон. Победникот беше решен во првиот дел кога „црвените“ имаа водство од 3:0.

Стрелци на головите беа Стивен Џерард во 21.минута, Даниел Стариџ 33-та и 35-та минута и Луис Суарез во 50.минута. Во 54.минута Стариџ пропушти да постигне хет-трик откако не реализираше пенал.

На другите натпревари одиграни синоќа: Манчестер Јунајтед – Кардиф 2:0, Норвич – Њукасл 0:0, Саутемптон – Арсенал 2:2, Свонси – Фулам 2:0 и Кристал Палас – Хал 1:0.

Вечерва се играат натпреварите: Астон Вила – ВБА, Челзи – Вест Хем, Сандерленд – Стоук и Тотенхем – Манчестер Сити.

Табела: Арсенал 52 бода, Манчестер Сити 50, Челзи 49, Ливерпул 46, Тотенхем 43, Евертон 42, Манчестер Јунајтед 40.