Skip to content
Сопствениците на мали парцели секогаш се борат: како да засадат различно овошје и зеленчук на мало парче земја, со добар принос. За среќа, постојат различни трикови кои овозможуваат да заштедите простор за одгледување зеленчук.
Така, во едно буре на површина од 3 метри, со многу помалку обврски, можете да одгледувате што повеќе краставици, а плодот ќе го заштитите од разни болести.
Како да одгледувате краставици во буре:
Ставете едно или неколку буриња на вашата парцела, на сончевата страна. На дното на бурето, ставете органски отпад: лисја, трева, слама, корења, лушпи од банани и друго овошје и зеленчук, гранки или плевел.
Во мај, наполнете го бурето до крај со земја, со дебелина околу 10-15 см.
Наводнете и веднаш засадете семки од краставица. На едно буре ќе ви бидат потребни околу 9-10 семки. Засадете ги на растојание од 12-15 см. За да ја зачувате топлината, покријте го бурето со најлон, по можност црн, бидејќи црното ја привлекува сончевата топлина. Или користете празни пластични шишиња.
Садниците ќе растат како квасец доколку им обезбедите оптимална микроклима со помош на мал сад со вода во средината на бурето, кој ќе го полните со вода по потреба.
Во средината на јуни, кога времето е топло, можете да го отстраните најлонот. Краставиците ќе растат и ќе се виткаат околу бурето. За ветерот да не му наштети на растението, ластарите од краставиците можете да ги врзете за бурето со тенок коноп.
