Оклахома Сити се изедначи со Портланд и со Индијана

Кошаркарите на Оклахома Сити постигнаа убедлива победа на гостувањето кај Њуорк и со биланс 23 победи и 5 порази имаат ист скор со Портланд на врвот на Западната конференција. Ист однос на победи и на порази има и лидерот во Источната конференција Индијана.

Одлична вечер имаше играчот на Оклахома Сити, Расел Вестбрук, кој оствари „трипл дабл“ – 14 поени, 13 скокови и 10 асистенции. Вестбрук стана петтиот играч во НБА лигата што постигнал „трипл дабл“ на Божик, а пред него тоа им успеало Оскар Робертсон (четири пати), Били Канингам, Џон Хавличек и Леброн Џејмс.

Најефикасен на дуелот беше Кевин Дјурант со 29 поени. Њујорк настапи без повредените Кармело Ентони и Реј Фелтон.

Резултати на ноќешните натпревари:  Њујорк – Оклахома Сити 94:123, Лос Анџелес  Лејкерс – Мајами 95:101, Голден Стејт – Лос Анџелес Клипрес 105:103, Бруклин – Чикаго 78:95 и Сан Антонио – Хјустон 98:111.

Вечерва на програмата се четири натпревари: Кливленд – Атланта, Хјустон – Мемфис, Далас – Сан Антонио и Портланд – ЛА Клиперс.

Пласман Источна конференција: Индијана 23-5 (победи-порази), Мајами 22-6, Атланта 15-13, Шарлот 14-15, Вашингтон 12-13, Детроит 14-16, Торонто 11-15, Бостон 12-17,…

Пласман Западна конференција: Портланд 23-5, Оклахома Сити 23-5, Сан Антонио 22-7, ЛА Клипрес 20-10, Хјустон 19-11, Феникс 17-10, Далас 16-12, Голден Стејт 17-13,.