Skip to content
Со кошот постигнат на шест секунди пред крајот Дерик Роуз кој по подолга пауза го одигра првиот натпревар во „Јунајтед Центар“ му донесе победа на Чикаго против Њујорк. Конечниот резултат е 82:81, а гостите не погодија во последниот напад. Чикаго беше подобар во првиот и третиот период, Њујорк резултатски се враќаше во игра во втората и последната четвртина. Резултатот по четвртини: 26:16; 17:22; 28:23 и 11:20. Роуз со 18 поени беше најефикасен во победничкиот тим, додека кај Њујорк се истакна Кармело Ентони со 22 реализирани поени, но го промаши последниот шут.
И на вториот НБА дуел одигран ноќеска победа забележа домашната екипа. Во Лос Анџелес, „Клиерси“ со 126:115 го совладаа Голден Стејт. По четвртини: 36:26; 32:29; 25:25 и 33:35.
Вечерва во најсилната кошаркарска лига на светот се играат 13 натпревари. Двојките се: Шарлот – Кливленд, Орландо – Њу Орлеанс, Вашингтон – Филаделфија, Атланта – Торонто, Бостон – Милвоки, Бруклин – Мајами, Хјустон – Далас, Мемфис – Детриот, Минесота – Оклахома, Денвер – Портланд, Феникс – Јута, Сакраменто – ЛА Клиперс и ЛА Лејкерс – Сан Антонио.
