Приведен кавадарчанецот кој претепа сограѓанин до смрт

Приведен е кавадарчанец за претепувањето кое заврши со смрт на негов сограѓанин, млад наркозависник. Инцидентот се случил пред неколку дена. Портпаролот на СВР Велес Анита Стојковска потврди дека кавадаречката полиција има приведено лице во врска со тој настан и оти во моментов се работи со него.

– Во полициската станица во Кавадарци приведено е лице во врска со претепувањето и убиството од пред неколку дена. Приведеното лице е од Кавадарци и во моментов се работи со него, соопшти Стојковска.