Рома и Удинезе четвртфиналисти во италијанскиот куп

Екипите на Рома и на Удинезе се пласираа помеѓу осумте најдобри во „Копа Италија“ откако синоќа беа поуспешни од своите противници.

Во еден од дерби натпреварите на осминафиналната фаза Рома ја победи Сампдорија со 1:0 со голот на Василис Торосидис во 6.минута.

Со ист резултат Удинезе во Удине беше поуспешен од Интер. Стрелец на победничкиот гол беше Маикосуел во 32.минута.

На средбите одиграни порано: Јувентус – Авелино 3:0, Фиорентина – Киево 2:0.

Во вторник на 14 јануари играат Лацио – Парма.

Последните три натпревари од оваа фаза ќе се одиграат во среда (15 јануари): Катанија – Сиена, Милан – Специја и Наполи – Аталанта.