Рубио: САД во блиска координација со Карибите по разорниот ураган

Американскиот државен секретар Марко Рубио изјави дека САД се во постојан контакт со Јамајка, Хаити, Доминиканската Република и Бахамите, кои се соочуваат со разорните последици од ураганот Мелиса.

„Нашите спасувачки и итни служби се упатени кон погодените подрачја заедно со клучни залихи за спасување животи“, објави Рубио на платформата Икс (поранешен Твитер).

Тој додаде дека мислите и молитвите на американскиот народ се со граѓаните на Карибите.

Родителите на Рубио, кој е по потекло Кубанец, се имигранти од Куба.

МИА