Слободен Печат: Десет лица биле извлечени живи, нема загинат медицински персонал

Слободен печат“ повикувајќи се на свои извори објави дека во пожарот што изби синоќа во Ковид центарот во Тетово нема настрадан медицински персонал, а од запалената болница 10 лица се извлечени живи.

Медиумот известува дека бројката на загинати може да биде меѓу 10 и 15 лица.

Според информациите што „Слободен печат“ ги добил, пожарот не е предизвикан од боци на кислород, бидејќи во тој дел немало боци, туку само довод на кислород.

Неофицијално, не се исклучуваа можноста пожарот да е подменат, бидејќи минатата недела двапати се правени опструкции во работата на модуларната болница за што е алармирана и полицијата.

Имено, болницата барала редовни полициски контроли, па затоа, дознаваме, имало зголемена контрола од полициски патроли во делот околу болницата, пишува Слободен Печат.

– Некои од изворите се сомневаат дека во прашање е саботажа, која е планирана и изведена токму на најголемиот државен празник Денот на независноста, слично како и за 2. август кога додека се честувавше Илинден на Мечкин Камен, избија пожари во кочанско кои сериозно му се заканија на градот, пишува Слободен Печат.

Во модуларната болница имало места за 35 пациенти, во моментот на трагедијата, во неа биле сместени вкупно 24 пациенти.

]]>