Црвена Звезда продолжува со победите во АБА лигата

Кошаркарите на Црвена Звезда остварија нова победа во АБА лигата откако вечерва во рамките на 19. коло пред своите навивачи го победија Будуќност со 74:64. Со овој триумф „црвено-белите“ со вкупно 16 победи се зацврстија на првото место на табелата. На вториот натпревар одигран денеска Олимпија – Игокеа 62:66.

На вчера одиграните натпревари МЗТ Скопје Аеродром ја победи Мега Визура со 80:72, а на другите дуели беа постигнати следниве резултати: Раднички – Шолнок 82:91, Широки – Цедевита 68:73 и Задар – Крка 55:57.

Последниот натпревар од оваа рунда Цибона – Партизан се игра во вторник.

Табела: Црвена Звезда 16-3 (победи-порази), Цедевита 14-5, Партизан 13-5, Цибона 12-6, Будуќност 12-7, Игокеа 11-8, МЗТ Скопје Аеродром 9-10, Крка 8-11, Олимпија 7-12, Мега Визура 7-12, Раднички 7-12, Шолнок 6-13, Широки 5-14, Задар 5-14.