Во Цирих не знаат за инцидентот со авионот на Груевски

„Во моментов, во Сојузната канцеларија за цивилна авијација (FOCA) немаме известување за инцидент или какви било дополнителни информации. Исто така, не знаеме дали станувало збор за вистинско принудно слетување или слетување поради безбедносни причини“, известија од FOCA на прашањето на „Мета“ дали имаат детали за принудното слетување на владиниот авион во Цирих и дали и кој му дал одобрување на авионот потоа да полета на сервисирање во Нирнберг.

Според експертите, оваа информација не мора да значи дека ништо не се случило со владиниот авион, туку само упатува на различното толкување на терминот „инцидент“.

Инаку, владината делегација, предводена од премиерот Никола Груевски, која се враќала од Стразбур, принудно слетала во Цирих, јави вчера „Телма“.

извор: Мета