Вучиќ: Ова е напад на целата наша земја

Претседателот на Република Србија Александар Вучиќ во своето обраќање во живо најави повеќе мерки по големите трагедии кои се случија деновиве.

Прва од мерките која ја најави Вучиќ е прием на 1.200 полицајци и по еден ќе седи во секое од 330 училишта. За масакрот во Младеновац тој рече дека злосторникот е уапсен и дека бел ден нема да види.

Исто така најави разоружување на Србија и такви проверки после кои Србија ќе остане на 30.000-40.000 парчиња оружје, кое во моментов го има на околу 760.000, проверка на условите на чување но и доста заострени казни  не само за оние кои несовесно и незаконски го чуваат туку и за оние кои се занимаваат со негова илегална продажба.

Претседателот на Србија од полицијата побара што поскоро издавање на мораториум на издавање на било какво оружје во наредните две години, вклучително и ловечко оружје.