Оризопроизводителите во паника: Наместо жетва, поплавени посеви во Кочанско

Обилните врнежи од дожд кои ја зафатија Републиката нанесоа голема штета на земјоделството особено на оризопроизводството.

Штетите се големи во целиот регион, особено во општината Чешиново-Облешево каде нивите засеани со ориз се буквално под вода.

Најновите најави за нови врнежи од дожд ги преплашија оризопроизводителите кои со право стравуваат за собирање на нивниот годинешен труд.

Факт е дека оваа општина е најниската точка во регионот па кога и да има врнежи проблемите се исти.

Сепак земјоделците кои од сега најавуваат дека ќе претрпат големи штети се надеваат на помош од државата. Очекуваат деновиве регионот да го посети и Министерот за земјоделство, шумарство и водостопанство на Република Македонија, Михаил Цветков за да на самото место се увери во досега направените штети.

Извор: Комарец

Фото: Јоже Јефтимов