Скијачите против одржување на фудбалско СП во зима

Светската федерација на зимски спортови (ФИС) денеска се спротистави на идејата Светското фудбалско првенство во Катар 2022 година да се игра во зима.

Скијачите и ски-скокачите се подготвени да потпишат и меморандум против упаѓањето на фудбалерите во „нивниот термин“. Како аргумент плус, лицата од зимските спортови го наведуваат и податокот дека во 2022 година ќе се одржат и Зимски олимписки игри.

Инаку, идејата на раководството на ФИФА Мундијалот во Катар да се игра во зима е поради екстремно високите температури кои владеат во летните месеци во оваа земја и покрај тоа што домаќинот гарантира пријатни услови за игра на сите стадиони кои би се постигнале со користење на разладни уреди.