Охридска банка со поддршка за финансирање на мали и средни претпријатија

Банката за развој при Советот на Европа и Охридска банка потпишаа договор за кредитна линија од осум милиони евра кои ќе бидат наменети  за мали и за средни претпријатија. Договорот вчера во Париз го потпишаа вицепремиерот на Банката за развој при Советот на Европа, Аполонио Руиз Лигеро и членот на Управниот одбор на Охридска банка, Сосиете Женерал групацијата Филип Котора.

Кредитната линија ќе се користи за финансирање на инвестициски  проекти со цел да се подобри квалитетот и ефикасноста во работењето на малите и на средните претпријатија, да се зачуваат моменталните работни места и да се создадат нови можности за вработување. Кредитот ќе се користи и за  обезбедување на фиксни средства и производствена опрема кои ќе се финансираат до висина од 50 проценти од проектот и до 50.000 евра за обртен капитал.