Четири лица повредени во сообраќајна незгода кај Три бисери

Четворица се повредени во сообраќајната несреќа која попладнево се случи на булеварот Јане Сандански кај Три Бисери.

Според информациите од СВР Скопје сообраќајката се случила во 15.30 меѓу три возила – пежо со кумановски регистерски таблички и два скопски голфа. Повредените се однесени со возило на Итна помош во Ургентниот центар.

Една од повредените во сообраќајната незгода била жена која поради болки во градите итно е пренесена на кардиологија.

ИЗВОР: „Канал 5“