Нова победа за Фенингер во велеслалом

Ана Фенингер од Австрија по вторпат за два дена победува на велеслаломска трка во шведскиот ски центар Оре. Таа по двете трки вечерва имаше најдобро време 2:00.15. На второто место се пласира Викторија Ребенсбург од Германија, а трета заврши Џесика Линдел – Викарби од Шведска.

Токму третопласираната од денешната трка Линдел – Викарби е водечка во пласманот за велеслалом со 432 бода, пред Фенингер со 418.

Во генералниот пласман за Светскиот куп води Фенингер со 1151 бод, пред Германката Марија Хефл – Риш која има 1144.

Утре скијачките ќе имаат натпревар во слалом во Оре.