Стартуваат реванш осминафиналните натпревари од Лигата на шампионите

Со одигрувањето на двата натпреавра вечерва стартуваат реваншите од осминафиналето од Лигата на шампионите во фудбал. На четирите дуели кои се играат денеска и утре со предност од првиот дуел влегуваат домаќините.

Европскиот првак Баерн на „Алианц Арена“ во Минхен е домаќин на премиерлигашот Арсенал и има предност од 2:0, додека на вториот дуел од денешната програма на „Висенте Калдерон“ во Мадрид, Атлетико го пречекува Милан и има предност од 1:0.

Утре се играат натпреварите: Барселона – Манчестер Сити (2:0 на првиот натпревар) и ПСЖ – Баер Леверкузен (4:0).

Другите четири натпревари се играат на 18 и 19 март, а двојките се: Челзи – Галатасарај (1:1), Реал Мадрид – Шалке (6:1), Борусија Дортмунд – Зенит (4:2) и Манчестер Јунајтед – Олимпијакос (0:2).