Ѓорческа победи во првото коло на фјучрсот во Анталија

Македонската тенисерка Лина Ѓорческа со победа и во поединечна конкуренција ги почна натпреварите на новиот фјучрс турнир во Анталија. Таа днеска во 1.коло ја победи Вера Лапко од Белорусија со 2:0 во сетови.

Ѓорческа само во првиот сет имаше проблеми со 15-годишната противничка и сетот го доби со 7:6 (7:4 во тај брек), додека во вториот сет беше убедлива со максимални 6:0 во гемови.

Во 2.коло противничка ќе и биде Естел Касцино од Франција која со 2:0 (6:2 и 6:1) во сетови ја победи Елисавета Кабарова од Русија.

Ѓорческа со Анастасија Вдовенко (Молдавија) во двојки ќе играат во четвтфиналето, откако вчера победија во првото коло.