Ѓорческа во полуфиналето на фјучрсот во Анталија

Македонската тенисерка Лина Ѓорческа избори пласман во полуфиналето на фјучрс турнирот во Анталија.

Во денешното четвртфинале Ѓорческа ја совлада Милана Спремо од Србија со 2:1 во сетови. Првиот сет и припадна на српската тенисерка со 6:4, а следните два ги доби Ѓорческа со 6:3 и 6:4.

Во полуфиналето утре нашата тенсиерка ќе игра против победничката од мечот Барбара Хас (Австрија) – Ирина Шиманович (Белорусија, 6.носител).