Реал Мадрид најверојатно шест месеци без Хесе

Младиот напаѓач на Реал Мадрид Хесе Родригес надвор од теренот ќе биде најверојатно околу шест месеци. Во осмата минута на дуелот со Шалке синоќа од Лигата на шампионите, 21-годишниот Шпанец мораше да ја напушти играта, а на негово место во игра влезе Герет Бејл.

По натпреварот тренерот на Реал Мадрид, Карло Анчелоти изјави дека оваа повреда претставува проблем за тимот.

– Немавме среќа со повредата на Хесе, а по се изгледа повредени се вкрстените лигаменти. Ќе мора да бидат направени снимки, но ова ќе биде голем проблем за нас.

За Хесе сезоната е завршена, а одигра 31 натпревар и постигна осум голови во сите конкуренции.

Хесе имаше шанси да се најде и на списокот на селекторот на Шпанија Винсент Дел Боске за претстојниот Мундијал во Бразил.