Нишикори го елиминира Федерер на Мастерост во Мајами

Јапонскиот тенисер Кеи Нишикори направи големо изненадување на АТП тенискиот турнир што се одржува во Мајами. Тој ноќеска во четвртфиналето го победи Роџер Федерер (Швајцарија) со 2-1 во сетови 3:6, 7:5 и 6:4.

Противник на Нишикори во полуфиналето ќе му биде српскиот тенисер Новак Ѓоковиќ. Србинот влез меѓу четворицата најдобри си обезбеди по синоќешната победа над Енди Мареј (Велика Британија) со 2-0 во сетови 7:5 и 6:3.

Втората полуфинална двојка ќе биде формирана по одигрување на мечевите: Александр Долгополов (Украина) – Томаш Бердих (Чешка) и Рафаел Надал (Шпанија) – Милош Раониќ (Канада).

На женскиот дел од турнирот во полуфиналето ќе играат: На Ли (Кина) – Доминика Цибулкова (Словачка) и Серена Вилијамс (САД) – Марија Шарапова (Русија).