Голем интерес за „вечното дерби“ продадени 5.000 билети

Кошаркарскиот клуб МЗТ Скопје Аеродром денеска преку својата веб страна информира дека зголемениот интерес за дерби дуелот помеѓу МЗТ Скопје и Работнички резултираше со скоро 5.000 продадени влезници до овој момент.

Од македонскиот шампион апелираат дека во продажба има уште мал дел од билетите за вечното дерби.

– За сите заинтересираникои кои ќе сакаат да дојдат до некои од преостанатите билети апелираме тоа да го сторат што поскоро за да не им се скрати можноста во живо да го проследат овој меч, соопштуваат од МЗТ.

Влезниците за овој натпревар кој се игра утре со почеток од 17 часот и 30 минути во СЦ „Борис Трајковски“ се со цена од 100 и 150 денари и може да се набават во СЦ „Ново Лисиче“ и „Мезе Бар“ во ТЦ Скопјанка.