Петар Атанасов: Нивната страховлада си игра со нашите деца

Најмалку што може да направат Министрите Адеми и Ристовски е да си дадат оставки на нивните позиции. Доволно видовме и чувме. Од сите страни. Нивната страховлада си игра со НАШИТЕ деца. Па имате ли вие малку памет и разум или единствено што знаете е да ги исполнувате желбите на вашиот ШЕФ. Што е следно? Ќе им пратите образовна инспекција во кампот за да видите како го трошат денот или дали нешто учат. И ќе ги казните што не се на училиште. Како што со години ги казнувавте нивните професори?

Вие господа си играте со иднината на образованието, но си играте и со образованието на нашите деца. Вие мислите дека вие сте некакви фактори или субјекти во процесот на образованието? Не бе, вие сте само слепи исполнители на некого на кого образовниот процес воопшто не му е јасен. Тоа го покажуваат потезите кои ги влечете! Фактор во образованието се децата а ние сме тука за да ги поддржиме и да им пренесеме што им е потребно во животот од знаење и вештини.

Да бевте малку поразумни ќе ги повикавте децата, ќе им се извиневте и ќе ги испочитувавте како партнери и субјекти во образованието. Па за нив се работи, зар не? А не за вашите скапи одела и министерски фотељи. Единствено што докажувате е дека сте луѓе кои не ги разбираат концептите на хуманост, солидарност и почитување…

Фејсбук статус на Петар Атанасов, универзитетски професор и член на ИО на СДСМ