Тетово: Му се заканувале со пиштол, па го претепале, се разбудил во болница

СВР Тетово поднесе кривична пријава против Ј.И.(35) од Тетово поради постоење основи на сомнение за сторени кривични дела „противправно лишување од слобода“ и „насилство“.

На 3 април годнава Б.И.(35) од Тетово движејќи се со патничко возило „опел кадет“ по улицата „Иво Лола Рибар“ во Тетово бил запрен од Ј.И, по што бил повикан заедно да отидат и наводно да стават фолии на стаклата од возилото. По тиоа двајцата заминале кон ресторан во Тетово каде дошле и други лица кои му се заканувале на Б.И. по животот со пиштол, заради наводно украден лап-топ. Тие физички го нападнале, а оштетениот паднал во бессознание и се разбудил во Клиничка болница во Тетово.