Загина велосипедист крај Струга

Велосипедист загина во сообраќајна незгода што вчера попладне се случи на магистралниот пат Струга – Ќафасан.

Портпаролот на СВР Охрид Стефан Димоски информира дека незгодата се случила во 15.45 часот на излезот од Струга.

– Во незгодата учествувале патничко моторно возило „шевролет спарк“ и велосипедист. Велосипедистот веднаш бил пренесен во струшката Општа болница, каде им подлегнал на поврдите – изјави Димоски.

Екипа составена од јавен обвинител и полициски службеници вршат увид на местото, а истрагата треба да ги утврди причините за незгодата.