Skip to content
Јавното обвинителство соопшти дека е покренато обвинение за тероризам против 29-мина кои се во притвор по крвавите настани во кумановско Диво Насеље на 9-ти и 10-ти мај.
Од прес службата на обвинителството соопштија дека: Врз основа на досегашните докази од истрагата во врска со кумановските настани од 9 и 10 мај годинава, надлежниот јавен обвинител од Основното јавно обвинителство за гонење на организиран криминал и корупција до Основниот суд Скопје 1 – Скопје поднесе обвинение против 29 лица.
Обвинетите се теретат за сторени кривични дела „Терористичка организација” од чл. 394 – а и „Тероризам” од чл. 394 -б од Кривичниот законик. Надлежниот обвинител во исто време достави и Предлог за продолжување на мерката – Притвор за обвинетите, стои во соопштението на ЈОРМ.
Извор: Телма
