Skip to content
Од ноќеска на полноќ, бензините ќе се продаваат за 0,5 денари повеќе, а дизелот за два денари. Вака одлучи денеска Регулаторната комисија за енергетика, од каде известуваат дека литар ЕУРОСУПЕР БС-95 ќе се продава за 58, а ЕУРОСУПЕР БС-98 за 60 денари.
Новата цена на ЕУРОДИЗЕЛ (Д-Е V) ќе изнесува 41 денар. За два денара поскапува и екстра лесното масло за домаќинство и ќе чини 29,5 денари за литар. Цената на мазутот М-1 НС се зголемува за 2,389 денари за килограм и ќе изнесува 15,246 денари.
Регулаторната комисија за енергетика ја утврди новата цена на горивата врз основа на движењата на цената на суровата нафта на светскиот пазар и курсот на денарот во однос на доларот во изминатите 14 дена.
