Сведочење на мајката на девојката која се самоуби во Аеродром: Ќерка ми ја силуваше таксист

Мајката на 20-годишната Стефани која вчера претпладне се фрли од покрив на зграда во скопски Аеродром низ солзи откри зошто ќерка и се решила на тој кобен чекор, јавува Либертас.

– Таа доби работа на брод и требаше да замине во Америка на 9 април. Вчера се случи нешто трагично за неа, кое, ете не можеше да успее да го надмине и да продолжи да живее. Ноќеска ја силувал таксист кој требало да ја донесе дома. Слушнав како вреска ноќеска се стрчав и ја најдов распарталена и избезумена. Ми кажа дека таксистот ја силувал. Веднаш пријавивме во полиција и истрагата е во тек. Знаев дека за моето дете тоа е ужас, но не помислив дека ќе се реши да си го одземе животот. Утрово, ете, без да забележам се реши на најстрашното – вели за Либертас мајката на 20-годишната Стефани.

Таа како што пренесува порталот сака да се објави ова за јавноста да слушне зошто нејзиното прекрасно девојче решило да замине од овој свет и како што рекла, какви монструими живеат меѓу нас.
Телото на Стефани е на обдукција, а идентитетот на таксистот силувач, според мајката, и е познат на полицијата.