Skip to content
Пратеникот Васко Ковачевски со амандман побара во буџетот за 2017 година да се обезбедат 250.000.000 денари за отпочнување на исплатата на утврдената штетa која настана со елементарната непогода – мраз на територијата на Ресен во април оваа година. „Според извештајот што го направи Комисијата за процена на штети од елементарна непогода – мраз, формирана од страна на Градоначалникот на Општина Ресен со решение бр.09-1066/1 од 22.04.2016 година формирани се пет комисии за утврдување на настанатите штети. Заради специфичноста на овој вид елементарна непогода, побарано е и експертско мислење од Факултетот за земјоделски науки и храна.
Со оглед да во Ресен овоштарството е основна гранка и единствен извор на егзистенција на најголем дел од граѓаните, пристигнаа 2314 барања за проценка, со површина од 2705 ха на кои се насадени 9 врсти на култура. Комисијата утврди дека вкупната штета изнесува 1.313.014.647 денари. До денес, не е исплатен ниту денар од утврдената штета иако имаше ветувања и од Градоначалникот Стрезовски, од владините претставници и од надлежните институции.
Затоа, предложивме во буџетот за следната 2017 година да се извојат 250 милиони денари или околу 4 милиони евра , што претставива 20% од утврдената штета како би можело да започне обештетувањето на овоштарите од Ресен со оглед да истите имаат потреба да ги започнат подготовките за следната реколта.„ Амандманот без образложение беше одбиен и од страна на заменик министерот за финансии и од пратничката група на ВМРО ДПМНЕ.
