Маричиќ: По доаѓањето на Чулев во МВР има масовен проблем за вадење на лични документи

Морам да напоменам дека во 2017 –та година, кога министерот Спасовски во тоа време дојде на таа позиција имаше само 1000 пасоши во депото. Тоа е ужасно мала бројка, а за кратко време успеа да го реши овој проблем. Сега имаше многу повеќе. Нормално тендерот истекува и јас сум убеден дека министерот Чулев нема да биде во можност да најде решение, а убеден сум дека Владата многу скоро ќе го најде решението“, рече Бојан Маричиќ во емисијата „Патот кон“ на Алсат М.

Тажна е сликата да видите дека по доаѓањето на господинот Чулев во МВР има масовен проблем за вадење на лични документи, значи за пасоши, патни исправи…..Жално е навистина да се гледаат партиските игри во министерствата, како со поранешната министерка Мизрахи така и со министерот Чулев. Се тераат лични и партиски агенди, се крши Уставот и Законите од страна на овие функционери и практично се доведува во прашање функционирањето на системот се со цел да се помогне на партијата на избори“, рече Маричиќ.

Во однос на апсењата и заплената на кокаин во скопското село Крушопек, Маричиќ рече дека ова е тажна слика за начинот на кој што ВМРО – ДПМНЕ и нивните кадри ги водат институциите во последните неколку недели, можност дадена според законот за влада.

„За жал во трка по ексклузивни информации и покритие на овие лажни вести на ВМРО ДПМНЕ, дека нивниот технички министер се бори против криминалот и корупцијата, во трка по поткрепа на таа лажна слика се доведе во опасност една сериозна акција за борба против дрогата во меѓународен канал, во акција која што е работена повеќе од година дена, значи е почната уште во времето кога премиерот Спасовски беше министер за внатрешни работи и за едно кило кокаин се доведе во прашање акција во која што навистина требало да се заплени 1,3 тони…“, рече Маричиќ.