Приведен еден од најбараните криминалци во светот: „Босот“ на Коза Ностра

Италијанските карабинери го уапсија најбараниот мафијашки бос во земјата, Матео Месина Денаро, јави локалната новинска агенција Анса.

Денаро се смета за шеф на сицилијанската „Коза Ностра“. Тој е во бегство од 1993 година. Уапсен е во приватна клиника во Палермо.

По Денаро долго време трагаше италијанската полиција, а освен Италија, тој е меѓу десетте најбарани криминалци во светот.

-Апсењето е голема победа за државата која покажува дека не ѝ се предава на мафијата. По апсењето на Тото Рина, пред лицето на правдата ќе биде донесен уште еден шеф на организираниот криминал, Матео Месина Денаро – изјави италијанската премиерка, Џорџа Мелони.

Una grande vittoria dello Stato che dimostra di non arrendersi di fronte alla mafia. All’indomani dell’anniversario dell’arresto di Totò Riina, un altro capo della criminalità organizzata, Matteo Messina Denaro, viene assicurato alla giustizia. pic.twitter.com/8d6sHaDloK

— Giorgia Meloni (@GiorgiaMeloni) January 16, 2023

Денаро беше осуден во отсуство на доживотен затвор за неговата улога во убиствата на судиите Џовани Фалконе и Паоло Борселино во 1992 година.

Тој, исто така, се соочува со доживотен затвор за неговата улога во бомбашките напади во Фиренца, Рим и Милано во кои загинаа 10 луѓе.