Вакво запросување не сте виделе: Даниел Станчев од „Инвока“ ја запроси обвинетата Ирена Ивановска на рочиштето за изрекување пресуда за случајот „Софтвери“

 Во Основниот кривичен суд денеска  Драги Рашкоски беше прогласен за виновен за кривичните дела  „злоупотреба на службена положба и овластување“ и „перење пари и други приноси од казниво дело“ во предметот „Софтвери“ и судот му определи осум години затвор, во кои ќе му се смета и времето поминато во куќен притвор. 

Драги Рашковски доби казна затвор од седум години за злоупотреба на службена положба и една година и шест месеци за делото перење пари, за што судот му одреди една единствена казна затвор од осум години.

Судот ги прогласи за виновни и лицата Ивица Димитровски за кое одреди казна затвор од 5 години, за Игор Христов казна од 5 години и 6 месеци, за Даниел Станчев 4 години во кои ќe биде пресметано и времето поминато во куќен притвор, за Ирена Ивановска определена е казна затвор од 3 години и 6 месеци, а за Игор Ивановски и Маја Силјаноска судот определи три години. Лицата се обвинети за „злоупотреба на службена положба и овластување“. 

На изрекувањето на пресудите имаше и романтичен момент: Даниел Станчев од „Инвока“ ја запроси обвинетата Ирена Ивановска.

Таа кажа „Да“.