Верувале или не: Најмногу расправии во семејството има во оваа соба

Новото истражување за динамиката на семејниот живот открива интересни детали за тоа кои простории во куќата предизвикуваат најмногу конфликти, но и каде членовите на домаќинството најдобро се опуштаат.

Спротивно на популарното верување, членовите на семејството всушност најмалку се караат пред бањата, за тоа кој прв ќе влезе. Само седум проценти од нив признаваат дека се караат поради оваа причина.

Наместо тоа, истражувањата покажаа дека просторијата која предизвикува најмногу конфликт меѓу членовите на домаќинството е кујната. Дури 15 отсто од испитаниците изјавиле дека нивната кујна им создава проблеми со семејството или со домашните, пренесува Експрес.

Иако кујната може да се покаже како жариште на конфликти, изгледа дека дневната соба е оаза на мир и релаксација за повеќето луѓе. Дури 65 отсто од испитаниците ја избрале дневната соба како омилено место за дружење. Повеќе од половина од анкетираните (54 проценти) сметаат дека дневната соба е најдобро место за одмор, додека само четири проценти од нив ја претпочитаат кујната за оваа намена.

Ова истражување укажува на значајната улога што ја играат собите во куќата во создавањето хармонична атмосфера и намалување на стресот. Можеби внимателно смислен распоред и декорација може да помогне да се намалат тензиите во семејните односи и да му се овозможи на секој член од домаќинството да најде свое катче за релаксација и мир.